Oinsa Troka Password Iha Linux (Ubuntu)

Iha posting badak ida ne'e hau sei fahe kona ba oinsa troka Password Iha sistema operasaun Ubuntu?
Ubuntu hanesan sistema operasaun based linux nebe'e komesa konhesido iha mundo. iha ema barak ona maka uja sistema ida ne'e i koase ema barak ona maka hatene kona ba oinsa troka password administrator ubunut nian.
maneira ida ne'e ba sira nebe'e foin apriende kona ba ubuntu linux
Babain kuandu sistema ida ne'e install sempre iha password ba administrator nian, maibe depois de install maka maluk sira hakarak troka.
1. Loke Terminal ka command line liu husi Hanehan Ctrl + Alt + T
2. Ketik Sudo Passwd (username) Pois Enter
3.Nia sei husu password nebe'e agora dadaun ita uja hela ou password administrator, wainhira ketik password ita sei laharee nia, maibe ketik ho los nia sei sai los,
4. Ketik password foun nebe'e ita hakarak (Letra password nian sei lamosu, importante tenki ketik los)
5. Ketik tan password konfirmasaun.
6. Bainhira ita hetan ona liafuan hanesan ne'e : "password updated successfully" Katak prosesu troka password susesu ona.

Restart ita nia komputador no login fali ho password foun nebe'e ita foin troka ba.
susesu Belun....

Read More

Oinsa Download Video iha Youtube

Maluk sira nebe'e asesu ba internet hodi halo servisu, buka materia, maibe mos siempre hanoin atu hare'e video sira iha internet, i karik mos sei hanoin oinsa atu download hodi bele hare'e fali iha tempu tuir seluk seim ho internet:
Tuir dalan fasil ida ne'e hodi bele download :
1. Tama ba website youtube nian.
2. Buka video nebe'e ita hakarak download.
3. Wainhira hetan ona video nebe'e hakarak download, Kopia nia link, hanesan iha exemplu:
4. Loke website ida ne'e : www.savefrom.net
5. Paste link video iha ne'e :
6. Hili Formatu video nian hanesan nia figura :
7. Wainhira hili tipu video nian remata, Otomatikamente video sei download iha ita boot nia komputador, no hein to'o prosesu download remata no ENJOY....

Read More

Oinsa Halo bootable USB ba Ubuntu liu husi Windows

Karik iha hanoin atu halo instalasaun ubuntu ba primeira vez, se kuandu ita boot sei uja hela windows.
Tuir mai halo tuir maneira ida ne'e :
Sasan hirak nebe'e presija prepara:
1. Presija iha File ISO Ubuntu, bele Download iha ne'e
2. USB minimu 2GB
3. Software ba USB installer Bele Download iha Download Pen Drive Linux's USB Installer
wainhira material sira ne'e iha hotu ona, bele tuir maneira iha kraik ne'e hodi bele kompleta.

1. Loke Software Universal USB installer.
2. Hili UBUNTU iha lista dropdown nian

3. Klik iha Browse hodi hili file ISO

4. Hili USB Drive no klik iha CREATE

5. Hein to'o prosesu remata
6. Wainhira prosesu remata, ita nia usb prontu ona no bele halo instalasaun ba Laptop/PC seluk
Espera bele susesu...

Read More

Oinsa Instalasaun windows 7 liu husi USB / Flash Disk

Metodu ida ne'e sei fasilita tebes ita atu halo instalasaun windows 7 liu husi usb/flash Disk, wainhira ita sedauk ou laiha CD ROOM external no kada instalasaun laiha falha hanesan wainhira ita halo instalasaun uja DVD tamba karik DVD foer, kanek ou seluk tan. hirak ne'e hau koko tiha ona ho windows fotokopia/la original! ( sedauk koko ho Windows Original basa'a nia folin halo ita dada karteira todan par mate belun) Maibe, Belun so par aumenta ita nia konhesemento mai ita tuir pasu hirak ne'e :
Ita presija prepara hirak ne'e :
- Iha laptop ou desktop nebe'e install tiha ona windows 7 ( tenki iha Cd room ou external cd room)
- presija iha dvd windows 7 ( koko ho fotokopia lai, wainhira karteira mahar mak koko ho ida original)
- USB/Flash Disk Minimum 4 GB
- Hirak nebe'e sei klosan, haruka doben keta missed call lai durante minutu balun nia laran
- Hirak nebe'e kaben ona hein to'o mami ho bebe toba tia lai nune konsentrasaun full
- Belun tenki hatene ona oinsa halo instalasaun windows
Se hirak ne'e prontu hotu ona mai ita hahu belun:
1. Tu ita nia USB nebe'e ohin prepara ba iha laptop ou desktop
2. Hanehan butaun WIN+R pois ketik CMD no ENTER
3. Ketik DISKPART no hanehan ENTER
4. Ketik LIST DISK no hanesan ENTER (Ida ne'e ita presija halo atu nune ita bele hatene ita nia usb nebe'e atu tau win dows ba laran mak ida nebe'e, babain nia maka DISK1 sekuandu ita iha hdd ida deit.
5. Se hatene los ona nia maka Disk1 maka belun ketik tan SELECT DISK1 no hanehan ENTER
6. Ketik CLEAN no hanehan ENTER
7. ketik CREATE PARTITION PRIMARY no hanehan ENTER
8. Ketik SELECT PARTITION 1 no hanehan ENTER
9. Ketik ACTIVE no hanehan ENTER
10.Ketik FORMAT FS=FAT32 no hanehan ENTER, nuen bele halo format ba ita nia usb ba fat 32
11.ketik ASSIGN no hanehan ENTER
12.ketik EXIT no hanehan ENTER
13.Tau ita nia DVD windows 7 ba iha cdroom laptop ou desktop nebe'e ohin prepara ona, no loke dvd ne ho open as folder i depois kopia tomak file sira nebe'e iha laran ba iha usn 4GB nebe'e ohin ita tu hela iha laptop/desktop hein to'o prosesu remata.
14.wainhira prosesu kopia remata ona, belun bele koko iha laptop ou notebook sira nebe'e laiha cdroom, liu husi setting bios ba iha first boot usb nian.
15. Tuir prosesu instalasaun nian to'o remata, to'o ikus belun hetan ona figura ida hanesan ne'e:

16. Haruka ita boot nia doben bele missed call fali ona.
Bom sosesu belun....

Read More

Oinsa troka File tar.gz ba .deb

Oinsa troka File tar.gz ba .deb Iha linux ita siempre hetan file sira hanesan ne. Tuir mai hau hakarak fahe oinsa ita bele troka file sira n'ebe ho ninia tipu tar.gz ba .deb. Entre file rua ne hanesan deit maibe ninia tipu mak diferente no maneira halo instalasaun mos diferente. Ita presija muda tipu file tar.gz ba .deb tamba tuir hau katak file .deb ne fasil atu halo instalasaun iha linux liu husi klike doberadu ou uja dpkg -i .... Atu muda tipu ida ne Tuir mai ita hare'e hamutuk :
1. ita presija instal file Alien liu husi apt-get install Alien
2. Depois file ne'e install ita presija tau ita nia file ne'ebe atu troka nia tipu ba fatin ruma porexemplu : Hau rai file ne iha Desktop abc.tar.gz so ita ketik cd/home/gotys/Desktop
3. Tuir mai ita ketik deit : alien abc.tar.gz
4. Hein to'o remata ita bele hetan ona file abc.deb iha Desktop no bele halo instalasaun liu husi klike doberadu.
Obrigadu...

Read More

Oinsa : Ubuntu Remastersys (Tetun)

Remaster katak prosesu ida ita halo atu backup data ou backup sistema ou aplikasaun hirak nebee ita install tiha ona iha komputador ida no nia sei sai fali sistema ida ou distro ida nebe'e ita bele install ba iha komputador seluk ho standartu nebe'e mak hanesan.

Sistema remaster ne'e sei hafasil ema seluk atu halo instalasaun ba sistema linux( ubuntu) liu-liu instalasaun ba aplikasaun no mos sei hafasil ema nebe'e foin atu konhese sistema ida ne.

Buat hirak nebe'e ita presija prepara antes halo remaster mak hanesan :
# PC ho sistema operasaun ubuntu
# Iha repository DVD ou linha internet
# Iha lista aplikasaun hirak nebe'e ita atu instal no sei sai standartu ida ba user sira

Pasu hirak nebee presija halo mak hanesan :
# Halo instalasaun ba sistema aplikasaun
# Koko aplikasaun hirak nebe'e instal tiha ona no garatia katak nia lao diak
# Instal remastersys, uja apt-get install remastersys ou maneira seluk

Depois de prosesu instalasaun remata, tuir mai ita halo prosesu remaster
Loke aplikasaun remastersys



Ita sei hili Disc hodi nune bele backup ita nia data sistema nian



Klik iha OK atu hahu prosesu remaster


Hein to'o prosesu remata


wainhira prosesu ne'e remata ita sei hetan ita nia file iha /home/remastersys/remastersys
Entre file hirak nebe'e iha ita sei kopia maka file Customdist.Iso, tamba file ida ne'e mak ita sei burn ba cd ou uja usb hodi halo instalasaun ba komputador seluk.


Obrigadu...

Read More

Oinsa Aumenta Letra ou figura ba terminal ubuntu

Haii maluk sira tuir mai hau hakarak fahe informasaun ida tan ba kolega sira, informasaun neb'e hau atu fahe ba kolega sira mak : oinsa ita atu aumenta letra ou figura ruma ba iha ita nia terminal iha ubuntu.

Se karik maluk balun iha interese atu hatene informasaun iha leten tuir mai ita ba hamutuk pasu hirak tuir mai:
se karik ita boot sira halo ho susesu mak sei mosu hanesan figura ida okos ne'e



primeiru ita sei install file ne ba iha ita nia komputador :
1. sudo apt-get install fortune cowsay (atu ita bele aumenta figura)
2. sudo apt-get install figlet ( atu ita bele troka letra)


Depois de install ita sei edit file nebe'e iha /home/.bashrc liu husi pasu ida ne'e sudo gedit /home/(ita nia home nia naran)/.bashrc

copy file ida ne'e no tau iha linha ikus liu:



wainhira maluk balun susesu mak sei hetan hanesan figura iha primeiru.
NB : Makluk sira mos bele troka figura ou letra tuir ita boot sira nia hakarak,
atu troka figura ba tama iha: cd /usr/share/cowsay/cows/ ou atu troka letra bele tama iha : cd /usr/share/figlet

Obrigado barak.. D & G

Read More